سی ٹی ڈی ءَ یک کاروائی ءَ تھریک تالبان پاکستان ءِ باسکانی کُشگ ءِ ٹاہ داتگ-
کاؤنٹر ٹیررزم ڈیپارنمنٹ ( سی ٹی ڈی ) ءِ نیمگ ءَ شنگ بیتگیں درشان ءِ تہ ءَ ٹاہ دیگ بیتگ کپ سی ٹی ڈی ٹولی ءَ ڈھاڈر ءَ سوبمندیں کاروائی کنان ءَ تیرگواری ءِ رِد ءَ پد ٹی ٹی پی ءِ سے باسک کُشتگ اَنت-
ایس ایس پی دوست محمد بگٹی رِد ءَ سی ٹی ڈی ءَ چیریں ھالانی رِد ءَ کاروائی کنان ءَ اے مردم دوپاسی پُھل نزیک ءَ انگر ءَ کتگ کہ اود ءَ میڑ بیتگ-
سی ٹی ڈی رِد ءَ جنگ بیتگیں مردماں چہ ھپت کلو تراکناکیں شورو، یک پرپٹے، دو نائن ایم ایم تیر دزگپتگ اَنت-
زانگ بہ بیت بلوچستان ءَ سی ٹی ڈی کاروائی مدام شکی بنت کہ اود ءَ آیانی سر ءَ بھتام اِنت کہ آ پیسر ءَ چہ دزگیر کتگیں مردماں کش اِیت ءُ پد ءَ میڑ نام ءَ پدر کنت-
ڈھاڈر ءَ میڑ ءَ جنگ بیتگیں مردمانی پجّار درگت ءَ انتزامیہ ھچ وڑیں درشان شنگ نہ کتگ وھدے کہ لاش ڈھاڈر نادُراھجاہ برگ ءَ پد شال ءَ سر کتگ اَنت-