دکی وئیل ءِ ایرجنی: بلوچستان بے کانونی ءِ سرزمین جوڑ بوتگ – ماہ رنگ بلوچ

بلوچ ییکجھتی کمیٹی ءِ سروک ڈاکٹر ماہ رنگ بلوچ ءَ سوشل میڈیا ءِ ویب سائٹ ایکس ءَ دکی ءِ وئیل ایر جتگ-

ماہ رنگ بلوچ ءَ گشتگ کہ بلوچستان ءِ دمگ دکی ءَ کم چہ کم 20 کان کن بے دردی ءَ کُشگ بوتگ انت کہ اے پریشانیں ھال دمگ ءِ ناوشیں ھالے-

بلوچ یکجھتی کمیٹی ءِ ڈاکٹر ماہ رنگ بلوچ ءَ اے کشتار ءِ سر ءَ سکیں دلپدردی درشان کتگ ءُ گْوشتگ کہ بلوچستان ءِ تہ ءَ بے کانودی نا برداشتیں کچے ءَ سر بوتگ، دمگ ءِ تہ ءَ گیش بوھوکیں بے رھبندی ءِ میان ءَ چہ گریبیں مزدوراں بگر داں سیاسی جھدکاراں کس ایمن نہ اِنت۔

ماہ رنگ بلوچ ءَ گشتگ کہ بلوچستان ءَ شورش پہ سیکورٹی ادارھاں پائدگ مند اِنت، چیاکہ دمگ ءَ زوراکی ءِ وئیل گیش بنت، پوجیانی جاڑیگی، سیکورٹی آپریشن ءِ نام ءَ زر ءُ کرپشن ءِ امکان گیش بنت۔

آئی ءَ گْوشتگ منی دعا ءُ ھیال گوں ھما مردماں اَنت کہ گوستگیں شپ ءِ وئیل ءَ چہ آماچ بوتگ اَنت۔