بولان ءِ دمگ مچ ءَ پاکستانی لشکر ءِ پوسٹ سلاہ بندیں مردماں نشانگ جوڑ کتگ۔
مچ ءِ پنیر اسٹیشن ءَ پاکستان فورسز ءِ فرنٹیئر کور ءِ پوسٹ ءِ سر ءَ بیگاہ ءَ اُرش کنگ بوتگ۔
دمگی اھوالانی رد ءَ اُرش ءِ وھد ءَ مزنیں تیرگواری ءِ توار بوتگ وھدے کہ اُرش ءِ تہ ءَ فورسز ءِ کارندھانی بیران بوگ ءِ ھال ھست۔
انگت ءَ واکداراں اے درگت ءَ ھچ وڑیں اھوال پیش نہ کتگ۔
مچ ءُ کش ءُ گوری دمگاں بلوچ سلاھبند آجوئی لوٹوک سرگرم اَنت۔ اے سال ءِ جنوری ءَ بلوچ آجوئی ءِ لشکر ءَ “آپریشن درہ بولان” ءِ چیر دستی ءَ مزنیں اُرشے ءَ سرکاری واپاری ءُ لشکر ءِ پوسٹ نشانگ جوڑ کتگ اَنت ایشانی تہ ءَ پاکستانی لشکر ءِ بنجاہی کارگس ماں مچ شھر ءَ ھم ھوار اِنت۔
بلوچ لبریشن آرمی ءِ مجید برگیڈ ءَ ھوار اسپیشل ٹیکٹیکل آپریشن اسکواڈ ءُ فتح اسکواڈ ءَ آپریشن درہ بولان ءَ بھر زرتگ ءُ دو روچ ءَ شھر وتی کنٹرول ءَ کتگ ۔