ژوب : پاکستانی پوج سر ءَ اُرش، یک کارمندے ءِ بیران ءُ یازدہ ٹپی بیتگ اَنت

ژوب شال ءِ بُنجاھی شھدگ سر ءَ برجاھیں ایف سی چیک پوسٹ ناشناسیں مردماں اُرش ءِ نشانگ جوڑ کتگ-

چہ ژوب ءَ ھالانی رِد ءَ ناشناسیں سلاہ بندیں مردماں پاکستانی پوج ءِ یک چیک پوسٹ مزنیں اُرشے ءِ نشانگ کتگ ءُ چیک پوسٹ ءِ تہ ءَ پترتگ جھد کتگ-

سلاہ بندیں مردماں چیک پوسٹ ءِ چاریں نیمگاں چہ اُرش ءِ نشانگ جوڑ کتگ ءُ راکٹ آس داتگ وھدے کہ ھمے میان ءَ چیک پوسٹ ءِ بُنجاھی دروازگ سر ءَ وتکش تراکے ھم کنگ بیتگ-

پاکستانی پوج ءِ چیک پوسٹ سر ءَ اُرش تاں انو پاکستانی پوج ءِ یک کارمندے بیران ءُ یازدہ ٹپی بیگ گپ راست بیتگ-

وئیل ءَ پد پاکستانی پوج ءِ مزنیں کچے ءَ شال کش گور ءَ وئیلجاہ ءَ نیمگ ءَ جُنز اِتگ اَنت بلے اے اُرش درگت ءَ واکدار نیمگ ءَ ھچ وڑیں درشان شنگ کنگ نہ بیتگ-