کراچی: ماہ رنگ بلوچ ءُ من لٹ ءُ کٹ کنگ بیتگ اِنت- سمی دین بلوچ

کراچی پولیس ءُ چیریں ادارھانی کارمندانی نیمگ ءَ بلوچ باسکانی موبائل ءُ دگہ ساز ءُ سامان پُلگ بیتگ اَنت-

اَچ کراچی ءَ سر بیتگیں ھالانی رد ءَ امریکہ ءَ سپر کنگ ءِ بندش ءِ سر ءَ پاسپورٹ پلگ ءَ پد کراچی بالی پٹ ءَ واتری ءَ پاکستانی چیریں ادارھانی کارمندان ماہ رنگ بلوچ ءِ گاڑی ءِ سر ءَ اُرش کتگ ءُ گاڑی ءِ شیشگ پروشتگ اَنت ءُ زلوری ساز ءُ سامان برتگ اَنت-

ماہ رنگ بلوچ ءِ ھمراھی ءَ ھواریں بلوچ انسانی ھکانی باسک سمی دین بلوچ ءِ رد ءَ ھنچش کہ آ کراچی ءِ بالی پٹ ءَ واتر درکپتگ گڑا آئی ءِ گاڑی پاکستانی چیرین ادارھانی کارمند ءُ پولیس ءُ انگیر کتگ گاڑی ءِ پٹ ءُ پول کنگ ءَ پد آئی ءَ ءُ مھرنگ بلوچ جتگ اَنت ءُ گاڑی ءِ ڈرائیور لگت ءُ مُشتاں مانبستگ-

سمی دین بلوچ ءَ گوشتگ گاڑی ءِ چابی ءُ کارمنداں برتگ اَنت ءُ ماہ رنگ بلوچ ءِ موبائل ءُ پاسپورٹ ھم برگ بیتگ اَنت ما تھاریں دگ ءِ سر ءَ انت ءُ مارا ھرچ تاوانے رس ات آئی ءِ زمہ وار ریاست ءُ انیگیں سرکار ءُ سندھ ءِ سرکار پی پی ءِ سر ءَ بیت اِنت-

زانگ بہ بیت مروچی ماہ رنگ بلوچ میان اُستمانی کانفرنس ءِ بھر زیرگ ءَ جناح انٹرنیشنل ائیرپورٹ ءَ امریکہ ءَ روگی بیتگ کہ آ ایف آئی اے ءَ داشتگ –