تربت : سلاہ بندیں مردماں ایف سی ھیڈ کوارٹر سر ءَ اُرش کتگ

کیچ ءِ بُنجاھی شھر تربت ءَ سلاہ بندیں مردماں ایف سی ھیڈکواٹر سر ءَ اُرش کتگ-

دمگ وسلیگ رِد ءَ نیمروچ ساھت دو پانزدہ ملٹ نزیک ءَ تربت شھر ءَ برجاھیں ایف سی ھیڈکواٹر سر ءَ سلاہ بندیں مردماں اُرش کتگ – بُنجل تہ ءَ ھشت ءَ گیش تراک توار اش کنگ بیتگ-

اِھوالکار گوشگ اِنت کہ اُرش ءَ پوج ءَ تاوان چست کنگ کپتگ بلے واکدار ءِ درشان انگت شنگ نہ بیتگ اے درگت ءَ –

زانگ بہ بیت کہ اے دمگ ءَ بلوچ آجوئی لوٹوکیں سلاہ بندیں گل پُرکار اَنت بلے مروچی بیتگیں اُرش زمہ واری انگت ھچ گل ءَ نہ زرتگ-