ھاران : پاکستانی پوج دست ءَ چار مردم بیگواہ

بلوچستان ءِ دمگ چہ ھاران ءَ پاکستانی پوج ءَ چار مردم آوار جنگ ءَ پد بیگواہ کتگ اَنت وھدے کہ زورانسری بیگواہ کنگ بیتگیں سے مردم یل کنگ بیتگ اَنت-

بیگواہ کنگ بیتگیں مردم ءِ پجّار ارشد ء امین اللہ، داؤد ء محمد انور ءُ امین اللہ ء عبدالقادر ءِ نام ءَ چہ بیتگ اَنت کہ ھاران جنگل ھند کلی رحمت اللہ ءَ پاکستانی پوج ءَ لوگانی سر ءَ بیڑبرتگ آوار جتگ اَنت-

اِھوالکار رِد ءَ پوج ءَ کم چہ کم بیست گاڑیاں ھواریں کاروان ءَ دمگ انگر کنگ ءَ پد اے مردم آوار جتگ اَنت-

ھمے وڑ چہ ھاران ءَ یک مردمے آوار جنی ءِ ھال اِنت- مروچی نیم روچ ءِ ساھت دو ءَ ھاران بازار ءَ امان اللہ محمد حسنی آئی ءِ دکان ءَ چہ سلاہ بندیں مردماں وتی ھمراھی ءَ برتگ گوں-

ھمے وڑ کیچ ءِ تھسیل چہ بلیدہ ءَ پاکستانی پوج ءِ دست ءَ بیگواہ کنگ بیتگیں سے ورنا آجو بیتگ ءُ وتی لوگاں سر بیتگ اَنت-

آجو بیتگیں مردمانی تہ ءَ اکرم، عبدالمالک ءُ صلاح الدین جھمنند چھب بلیدہ ھوار اَنت- کھول آیانی یل بیگ گپ راست کتگ-