روکپتی بلوچستان ءِ بنجاھی شھر زاھدان ءَ گوستگیں شپ ءَ ناشناسیں مردماں دگ ءِ کَش ءَ سبز دابیں درچکاں آس جَتگ-
اھوالانی رد ءَ زاھدان ءِ شھر ءَ جام جم 50 ءَ ناشناسیں مردماں درچکاناں پٹرول پِر رتکگ ءُ بن داتگ اَنت-
وئیل ءَ درچک ستکگ اَنت ءُ تامر بندے ءَ گندگ بیت اِنت ساھت دو ءَ لھتے مردم دگ ءِ کش ءَ گپ ءَ اِنت کہ درچک سوچگ بیتگ اَنت-
زانگ بہ بیت بیست ءُ چار ساھتانی توک ءَ زاھدان ءَ آس کپگ ءِ دومی وئیل اِنت کہ پیش آیگ ءَ اِنت –
چِد ءُ پیش زاھدان ءَ مکران بازار ءَ یک سبزی دکانے ءَ ھم آس کپتگ ءُ چریشی ءَ سبزی ءِ دکان ستکگ ءُ پُر بیتگ بلے آئی ءِ سبب زانگ نہ بیتگ-