لاھور ءَ لَٹ کُٹ ءَ چہ دو بلوچ نودربرانی جاور نگیگ اَنت-
گیشیں ھالانی رِد ءَ پنجاب ءِ بُنجاھی شھر لاھور ءِ پنجاب یونیورسٹی ءَ جھمنندیں بلوچ نودربرانی سر ءَ جمیعت ءِ لٹی ئیں مردماں نودربر لٹ کُٹ کتگ اَنت، وئیل ءَ پنچ بلوچ نودربرانی ٹپی بیگ ھال اِنت-
ھالانی رِد ءَ اے میان ءَ جمیعت ءِ باسکاں سلاہ ھم کارمرز کتگ-
وئیل ءَ بلوچستان ءَ چہ سیادی داروکیں بازیں نودربرانی سر ءُ بدن دگہ جاھاں تُرندیں ٹپ اتکگ اَنت وھدے کہ وئیل ءَ ٹپی دو بلوچ نودربرانی جاور نگیگ اَنت-
زانگ بہ بیت کہ پنجاب ءِ جتاجتائیں ادارھاں وانوک بلوچ نودربر گیشتر جمیعت ءُ پنجاب کونسل ءِ نودربر نیمگ ءَ چہ اُرشانی وئیل دیم ءَ اَتکگ اَنت، بلوچ نودربرانی رِد ءَ آ پنجاب ءِ زانشتی ادارھاں زاتی رِد نشانگ کنگ ءَ اَنت-
بلوچ کونسل لاھور رد ءَ جمیعت ءِ نودربراں آیانی سنگت لٹ کُٹانی نشانگ کتگ اَنت بلے پنجاب پولیس لَٹ کُٹ کنوکانی گرگ جاگہ دگہ بیست ءَ گیش بلوچ نودربر دزگیر کتگ ءُ تھانہ ءَ برتگ اَنت-