کلبر ءَ دومی روچ ءَ پوجی آپریشن، کارمند ھیلی کاپٹراں گوں ایرگیجگ بیتگ انت

تمپ ءِ جتا جتائیں جاھاں پوجی آپریشن دومی روچ ءَ برجاہ انت، کلبر، ناصر آباد ءِ کش ءُ گوری دمگ آپریشن ءِ زد ءَ اَنت، شوانگے دزگیر کنگ بیتگ –

بلوچستان ءِ دمگ کیچ تمپ، کلبر ءَ مروچی دومی روچ ءَ ھم پاکستانی پوج ءِ آپریشن برجاہ اِنت-

دمگی مردماں ٹی بی پی ءَ گوں گوشتگ گوستگیں روچ ءَ ھیلی کاپٹراں کمانڈوز ایرگپتگ اَنت-

آئی ءَ گوشتگ ناصر آباد ءِ ھند ءَ پیدل ءَ کارمند تر ءُ گرد ءَ کنگ ءَ اَنت – تمپ ءِ جنگل ءُ نالے ءَ پوجی کارمند ترگ ءَ گندگ بیتگ اَنت-

دمگی اھوالانی گوشگ اِنت ناصر آباد ءَ یک شوانگے پوجی کارمنداں گوستگیں دزگیر کتگ ءُ تنی وھدی آئی ءِ بارو ءَ ھچ ھال نیست اِنت-

پاکستانی واکداراں اے درگت ءَ ھچ اھوال دیم ءَ نیاؤرتگ اَنت-

زانگ بہ بیت بلوچستان ءِ جتا جتائیں جاھاں یکشل ءَ پوجی آپریشن برجاہ اَنت ءُ واکدار اے درگت ءَ ھچ وڑیں اھوال دیم ءَ آرگ ءَ نہ اِنت-

گوست ءَ پوجی آپریشناں لس آبادی نشانگ ءِ وئیل رپورٹ بوگ ءَ اَنت-