زورانسری بیگواھی ءِ آماچیں دو وکیل یل بیتگ اَنت-
بلوچستان ءِ بنجاھی شھر شال ءَ زورانسری آوار جنگ بیتگیں فدا بلوچ دشتی ءُ ایڈووکیٹ صلاح الدین مینگل یل بیتگ ءُ وتی لوگاں سر بیتگ اَنت-
ھردوکیں وکیل گوستگیں دو شپ پیش پاکستانی پورس سی ٹی ڈی ءُ چیریں ادارھاں شال ءِ جتا جتائیں جاھاں آوار جنگ ءَ پد گون وت برتگ اَنت –
شال ءَ وکیلانی یل بوگ ءِ ھال وکلا برادری ءَ ھال راست کتگ-
زانگ بہ بیت گوستگیں روچ ءَ بلوچستان بار کونسل ءُ دگہ گلاں سرکار ءُ آئی ءِ ادارھاں بیست ءُ چار ساھت ءِ موکل داتگ بیتگ اگاں آیانی ھمراہ یل نہ بوت اَنت گڑا ترندیں زھرشانی کنگ بیت اِنت-
وکیلاں تچک ءَ گوشتگ کانون دارگ ءِ پژدر ءَ آیانی بیگواھی بے کانونی ءِ برابری انت ءُ اے تک ھچ وڑ ءَ اوپار کنگ نہ بیت اِنت-