اچ مستونگ ءَ پاکستانی پوج ءَ سَے مردم دزگیر کنگ ءَ پد بیگواہ کتگ اَنت-
رسانکدرانی رد ءَ پاکستانی پوج ءَ کلی کڑک مستونگ ءَ گوستگیں شپ ءَ یک لوگے ءِ سر ءَ بیڑ برتگ ءُ بلوچ یکجھتی کمیٹی ءِ رھشون عدنان بلوچ ءُ اھوالکار زَھیر اھمد مینگل ءُ آئی ءِ برات عامت ء غوث بخش دزگیر کتگ ءُ گون وت برتگ اَنت-
کھول ءَ داں انگت ءَ آیانی بارو ءَ ھچ اھوال دیگ نہ بیتگ اَنت-
کھول ءِ رد ءَ بیڑ ءِ وھد ءَ پوجی کارمنداں لوگ ءِ مردم لٹ ءُ کُٹ کتگ اَنت ءُ موبائل پچ گپتگ ءُ گون وت برتگ اَنت-