بلوچستان حکومت ءَ بی ایل اے دست ءَ کُشگ بیتگیں پنجابی شھری بیست بیست لک دیگ ءِ جار جتگ

موسی خیل ءَ جنگ بیتگیں مردمانی کھول ءَ ھکومت بلوچستان نیمگ ءَ چہ بیست بیست لک کلدار دیگ بنت-

سرکاری رسانکدر رِد ءَ بلوچستان ءِ سر وزیر سرفراز بگٹی ءَ یکشمبے ءَ موسیٰ خیل ءَ بلوچ لبریشن آرمی ءِ اُرش ءَ جنگ بیتگیں مردمانی کھول واستا بیست بیست لک کلدار دیگ ءِ جار جتگ-

اے زر موسیٰ خیل ءَ بلوچ لبریشن آرمی ءِ جنگولانی ءِ دست ءَ کشگ بیتگیں مردمانی شھری کھول ءَ دیگ بنت-

بلوچستان ءِ سر وزیر سرفراز بگٹی اے درگت ءَ دیمتر ءَ گْوشتگ کہ موسیٰ خیل ءَ کُشگ بیتگیں مردمانی کھول ایوک نہ اَنت آیانی ھرچ وڑیں کمک کنگ ھاتر ءَ بلوچستان ءِ ھکومت ساڑی اِنت-

زانگ بہ بیت کہ گوستگیں ھپتگ ءَ بلوچستان ءَ جاڑیگ بلوچ لبریشن آرمی ءَ یک یکجاہ ءُ مزنیں اُرش ءَ چہ بلوچستان ءِ جتاجتائیں شھدگ ءُ پوج بُنجل بیست کلاکاں تاں دسیتگ کنگ ءَ اے وھد ءَ پوج گوم ءَ میڑ ءُ پٹ پول وھد ءَ یکسد سی مردم کشگ بیتگ اَنت-

بلوچ لبریشن آرمی ءِ جارکش جیئند بلوچ رِد ءَ سرمچاراں بساں سپر کنوکیں پاکستانی پوج ءُ چیریں ادارھانی کارمند کشتگ اَنت-