بلوچستان ءِ دمگ کیچ ءِ ھند بلیدہ گلی ءُ میناز ءَ ھمے ماہ ءِ بنداتی ھپتگ ءَ پاکستانی پوج ءِ دست ءَ آوار جنگ بیتگیں چار مردم سَے شَمبے ءِ بیگاہ ءَ یل بیتگ ءُ وتی لوگاں سر بیتگ اَنت-
میناز بلیدہ ءِ جھمنندیں ماھد ء امید، گلی ءِ جھمنندیں ولید ء حمید، ھنیپ ء امید ءُ نزیر ء امید ءِ یل بوگ ءِ ھال کھول ءَ راست کتگ اَنت-
زانگ بہ بیت بلوچستان ءَ زورانسری آوار جنی ءِ آماچیں لھتے مردم یل کنگ بنت انت ءُ ھمود ءَ دومی نیمگ ءَ دگہ بیگواھیانی اھوال دیم ءَ کاینت اِنت-
بلوچستان ءَ بیگواھیں مردمانی یل کنگ ءِ واستا جد ءُ جھد کنوکیں گل وائس فار بلوچ مسنگ پرسنز ءُ بلوچ یکجھتی کمیٹی ءِ رد ءَ لھتے روچانی توک ءَ زورانسری بیگواھیانی توک ءَ گیشی آیگ انت ءُ بازیں بیگواھیں مردم دروگیں میڑاں کُشگ بوگ ءَ اَنت-