روکپتی بلوچستان ءِ دو جتا جتائیں جاھاں تیرگواری ءُ تُن ءِ سبب ءَ پیش اتکگیں وئیلاں یک زھگے ءَ ھوار سَے مردم بیران بیتگ اَنت-
اھوالانی رد ءَ روکپتی بلوچستان ءِ دمگ مھراستان ءَ یک آروسی دیوانے ءَ شاتکامی تیرگواری ءَ یک زھگے بیران بیتگ-
بیران بیتگیں زھگ ءِ پجار اویس قادری ء عبدالوحید جھمنند ایرکشان مھراستان ءِ نام ءَ زانگ بیتگ-
ھمے ڈول ءَ چہ زاھدان ءَ درکپتگیں دیم پہ تبس ءِ نیمگ ءَ روکیں دو مردم گاڑی ءِ ھرابی ءِ سبب ءَ تُن ءَ جتگ ءُ بیران بیتگ اَنت-
بیران بیتگیں مردمانی پجار مھمد گوس توتازئی ء ھبیب الرھمان ءُ عبداللہ توتازئی ء کریم جھمنند چاپ رھمان زاھدان ءِ ناماں زانگ بیتگ انت-
اھولانی رد ءَ اے مردم گوستگیں روچ ءَ چہ زاھدان ءَ دیم پہ مشھد ءِ نیمگ ءَ تبس ءَ درکپتگ اَنت ءُ اود ءَ آیانی گاڑی ھراب بیتگ ءُ چریشی ءِ سبب ءَ ھردوک بیران بیتگ اَنت-
اھوالانی رد ءَ آیاں وتی سیاد ءُ وارس ھال داتگ اَنت کہ مئے گاڑی ھراب اِنت بلے آیانی رسگ ءَ پیش زیادگیں گرم ءِ سبب ءَ آیاں وتی ساہ داتگ انت-