بلوچستان ءِ دمگ آواران ءِ ھند مشکے ءِ جھمنندین ھاسل بلوچ ءِ کھول ءَ گوشتگ مئے بچ سال دوھزار ءُ بیست ءُ چار ءَ اپریل ءِ ماہ ءَ پاکستانی پوج ءَ وتی بنجل ءَ لوٹارینتگ ءُ پد ءُ بیگواہ کتگ-
کھول ءَ گوشتگ انچوشکہ شما درست سرپد اِت کہ ھاسل بلوچ ء مھمد ھسن بلوچ چہ آواران مشکے ءِ بھنڈکی ءِ جَھمنند اِنت۔ اے 24 اپریل 2024 ءَ چہ مشکے بھنڈکی چیک پوسٹ ءَ آرمی ءَ گْوانک کتگ ءُ چہ گْوانک کنگ ءَ پد زورگیریں لشکر ءَ زور بیگواہ کتگ۔
آیاں گوشتگ سے ماہ ءُ 24 روچ ءِ گوزگ ءَ پد ھم آ یل کنگ نہ بوتگ ءُ نیکہ آ تننگا دیم ءَ آرگ بوتگ ۔
کھول ءَ گوں کُلیں شرپداریں بلوچ راجدوستاں، سیاسی ءُ چاگردی کارباسکاں، بلوچ راج ءِ اے دگہ لس مردماں گوں دزبندی کناں گوشتگ ھاسل بلوچ ءِ جان سلامتی ءِ واستا وتی توار ءَ چست بہ کن اَنت۔ پہ زور بیگواہ کنگ ءُ بلوچ چُکچینی ءِ ھلاپ ءَ گھگیری ءَ بہ کن اِت ءُ توار چست بہ کن اِت۔