بیست ءُ ھپ جولائی ءَ چہ مستونگ ءَ پاکستانی پوج ءِ دست ءَ زورانسری بیگواھی ءِ آماچیں سَے کس یل بیتگ اَنت-
یل بیتگیں مردمانی پجار زبیر بلوچ، انیس بلوچ ءُ زید بلوچ ھوار اَنت کہ مروچی یل بیتگ ءُ وتی گِساں سر بیتگ اَنت-
زانگ بہ بیت بیست ءُ ھشت جولائی ءَ بلوچستان ءِ تیابدپی شھر گوادر ءَ بلوچ یکجھتی کمیٹی ءِ نیمگ ءَ یک مُچے ءِ اڑ دیگ بیتگ کہ آ بلوچ راجی مُچی ءِ نام دیگ بیتگ کہ ایشی ءِ بھر زیرگ ءَ سرجمیں بلوچستان ءِ مھلوک بھر زیرگ ءَ جنز اتگ انت بلے پوج ءَ گوادر ءِ روگ ءَ نیشتگ اَنت-
مستونگ ءَ پوج ءَ کاروان ءِ سر ءَ تچک ءَ تیرگواری کتگ ءُ چریشی ءَ چاردہ مردم زدگ بیتگ اَنت ءُ بازیں کچے ءَ مردم پوج ءَ گپتگ ءُ برتگ انت-