کراچی ءَ راجی مُچی ءِ درگت ءَ وال چاکینگ ءَ بی وائی سی ءِ 4 باسک دزگیر

بلوچ یکجھتی کمیٹی ءَ وتی شنگ کرتگیں یک درشانے ءَ گوشتگ نوالین کراچی ءَ بی وائی سی ءِ سَے باسک شھداد بلوچ، صدام بلوچ ءُ باسد بلوچ راجی مُچی ءِ درگت ءَ وال چاکنگ ءُ پنتاک ءِ بھر کنگ ءِ وھد ءَ ڈی ایس پی کلاکوٹ ءُ دزگیر کتگ ءُ برتگ انت-

درشان ءَ گیش گوشگ بیتگ کہ ھرسئیں ورنا دزگیر کنگ ءَ پد تھانہ ءَ برگ ءَ پد اود ءَ انٹیلیجنس ایجنسیانی دست ءَ دیگ بیتگ اَنت ءُ پد ءَ تھانہ ءَ نہ اَنت-

درشان ءَ گیش گوشگ بیتگ کہ لھتے دمان ءَ پیش بی وائی سی کراچی زون ءِ دگی یک باسکے عبدالرھمن شاھمیر بلوچ ھم پورسز ءَ چہ لوگ ءَ چِست کتگ ءُ برتگ-

درشان ءَ گیش گوشگ بیتگ کہ ما ریاست ءَ گوشگ لوٹ ایں بلوچ یکجھتی کمیٹی ءِ اے راجی زرمبشت ءَ تاکت ءِ زور ءَ ھلاس ممکن نہ اِنت –

تاکت ءِ کارمرد کنگ ءَ ریاست بلوچ راج ءَ شور دیگ انت ءُ ایشی ءَ پد مھلوک چی کنت اے درستیں چیزانی زمہ واری ریاست ءِ سر ءَ کاینت اِنت-