راجی مُچی ءَ بھر زیرگ ھمک بلوچ ءِ پرز انت – ڈاکٹر ماہ رنگ بلوچ

بلوچ یکجھتی کمیٹی ءِ رھشون ڈاکٹر ماہ رنگ بکوچ ءَ گوشتگ بلوچ راج، بلوچ چاگرد، بلوچ سرڈگار ءِ سر ءَ دراھیں کالونیل مازگی ءُ پندلی پکرانی ودی کنوکیں ھزاروکی ءُ گیر دروشمیں ٹکی، جھلداری، دمگی، نیکراھی، زبانی، زُریاتی، سیمسری، پاٹی بازی، ٹولی داری ءُ بھر ءُ بانگی ءَ سرگوز کن اَنت بس بلوچ بوگ ءُ راجی مچی ءَ بیست ءُ ھشت جولائی ءَ گوادر ءَ وتی بھر زیرگ ءَ ستکی بہ کن اَنت ءُ بلوچ بوگ ءِ منانک ءِ دیگ ھمک بلوچ ءِ راجی پرز اِنت –

آئی ءَ گوشتگ اگاں بلوچ ءُ بلوچ سرڈگار ءَ رکینگ لوٹ ئے گڑا بلوچ ءِ گور ءَ نی پادیگ، بست کنگ ءُ پِڑ ءَ درایگ ءِ ابید ھچ راہ نیست اِنت – مئے گور ءَ یکجاھی ءُ بستار یک زندگیں راجے ءِ منانک ءُ سرجمیں دنیا ءَ اے گوشگ ءِ وھد اِنت بلوچ نی وتی سرڈگار ءَ وتی نسل کُشی ءَ اوپار کت نہ کنت اِنت-

ڈاکٹر ماہ رنگ بلوچ ءَ گوشتگ کہ بلوچ راھی مُچی ءِ بھر ءُ بانگی پندلی پندلاں یک گور کنگ ءُ بستار ءِ یک راجے ءِ یکجاہ بوگ ءَ راجدپتر ءِ سھریں تاکانی نویسگ ءِ وھد اِنت – اے وھد ءِ زوال ءِ کنگ ءِ تاوان ’ بلوچ راج ئیگ ‘ انت وھد ءِ سر ءَ نپ چِست کنگ راجی پجار ئیگ اِنت-