بلوچ آجوئی لوٹوکیں سلاہ بندیں گل بلوچ لبریشن آرمی مجید برگیڈ ءِ باسک پدائی درویش ءِ کستریں برات گل حمد مری نادراھی ءِ سوب ءَ بیران بوتگ –
اھوالکار ءِ رِد ءَ نمیرانیں درویش ءِ کستریں برات ھم جھد کار ءِ بوتگ ءُ گل حمد ءَ ھوار آئی ءِ بازیں مردمے چوش کہ زالبولاں ھم بلوچستان آجوئی ءِ لوٹ ءِ پد ءَ بیگواھی ءُ درانڈیھی ءَ ھوار وڈ وڈیں ازیت سگ اِتگ –
زانگ بہ بیت گل حمد مری نمیرانیں پدائی درویش ءِ کستریں برات ایں ءُ نمیرانیں درویش بی ایل اے مجید برگیڈ ءِ پدائی ارشکار ءِ بوتگ کہ آئی ءَ سال دوھزار ءُ یازدھے دسمبر ماہ ءَ ماں شال ءَ ارباب کرم خان دگ ءَ کشندہ ٹولی ءِ سروک شفیق مینگل ءِ گِسے سر ءَ پدائی اُرش ءِ کتگ کہ اے اُرش ءَ شفیق مینگل کلاھے رک اِتگ وھدیکہ کشندہ ٹولی ءِ کساس سِی ءَ گیش کارمند مُرتگ انت –