زرباری وزیرستان ءَ شوروانی تراک،دو پوجی کارمند بیران

خیبرپختوانخوا ءِ دمگ زرباری وزیرستان ءَ شوروانی تراک ءَ پاکستانی پوج ءِ دو کارمند مرتگ اَنت ءُ ھمے وڑ خیبر ءِ دمگ ءَ پوج ءُ سلاہ بندانی میان ءَ جنگ ءُ چوپ ءَ یک سلاہ بندے کُشگ بیتگ-

پاکستانی پوج ءِ شنکاری جارکش (آئی ایس پی آر) ءِ رد ءَ خیبرپختونخواہ ءَ دو جتا جتائیں وئیلاں یک ناشر کار ءُ پاکستانی پوج ءِ دو کارمند بیران بیتگ اَنت-

جارکش ءِ رد ءَ زرباری وزیرستان ءَ شوروانی تراکے بیتگ،تراک ءِ آسر ءَ پوج ءِ دو کارمند سپاھی بنارس ءُ سپاھی کریم بیران بیتگ اَنت، بیست ءُ سَے سالی ئیں سپاھی بنارس خان ءِ سیادی اورکزئی ءُ بیست ءُ سَے سالی ئیں سپاھی عبدالکریم ءِ سیادی خیبر ءَ اِنت-

دومی نیمگ ءَ خیبر ءِ دمگ تیراہ ءَ پوج ءُ سلاہ بندیں مردمانی میان ءَ گمانی رنگ ءُ تیرگواری بیتگ ءُ چریشی ءَ یک ناشرکارے ءِ کُشگ ءُ دو زودگیں جاوراں دزگیر کنگ ءِ ٹاھے داتگ – پوج ءَ آیانی گور ءَ سلاہ ءُ گولھانی دستیگ کنگ ءِ ٹاہ داتگ-

دومی نیمگ ءَ زرباری وزیرستان ءَ شوروانی تراک ءِ زمہ واری تھریک تالبان پاکستان ءَ من اتگ – رسانکدراں شنگ کتگیں ٹی ٹی پی ءِ جارکش مھمد خراسانی ءَ گوشتگ کہ زرباری وزیرستان ءَ ولسوالی سرویکی ءِ ھند چگملائی تنگہ ءَ تھریک تالبان پاکستان ءِ مجاھداں ایف سی ءِ گشتی ٹولی ءِ سر ءَ مائن بلاسٹے کتگ کہ چریشی ءَ دو کارمند مرتگ اَنت-