متحدہ عرب امارات ءَ ھلال احمر ءِ ڈپٹی سیکریٹری جنرل راشد المنصوری ءَ گوشتگ کہ ابوظھبی ءَ غزہ ءِ سانمندیں مردمانی واستا ءَ کمکی ساز ءُ سامان سیزدہ ھزار پارسل تیار کنگ بیتگ اَنت-
الامارار الیوم ءِ رد ءَ گوشگ بیتگ کہ ھیرات دیگ ءِ مھم ءِ دومی ھپتگ ءَ پرکاریانی توک ءَ سَے ھزار ءُ پنچ سد کمکاراں بھر زرتگ-
راشد المنصوری ءَ گوشتگ ھیرات دیگ ءِ مھم سرجمیں ڈیھ ءَ یک نہ کٹوکیں وھدے ءِ واستا ھلائینگ بیت اِنت-
ھلال احمر گوانکو ءِ سر ءَ کلوہ ءُ بینک اکاؤنٹ ءَ ھیرات دیگ ءُ کمکارانی ٹولیاں گیشیں کمکی ساز ءُ سامان دات کُت کن ات – ءُ ھیراتانی دست گرگ ءِ واستا بیست ءُ شش سینٹر برجم دارگ بیتگ اَنت-
آئی ءَ گوشتگ کہ رفح چیک کراسنگ ءِ پچ کنگ ءُ سانمندیں مردمانی کمک ءِ بھر ءُ بانگ ءِ بندات ءَ پد دمگی شھری ءُ جھمنندین درملکیانی کمکارانی کار ءِ توک ءَ گیشی کیت اِنت-
امارات ءَ جھمنندیں درملکی ءُ دمگی شھریانی ھیرات ءِ مھم ءَ بازیں کچے ءَ بھر زرتگ-