روکپتی بلوچستان ءِ سیاسی زندانی ءِ گوازینوکیں مولوی فضل الرحمان کوھی ءِ ھواری ءَ گوستگیں روچ ءَ دگہ شش کس بیگواہ کنگ بیتگ اَنت-
گیشیں اھوالانی رد ءَ گوستگیں روچ ءَ مولانا کوھی گوں وتی دگہ شش ھمراھاں ایران ءِ چیرین ادارھانی دست ءَ آوار جنگ ءُ ناشناسیں زنداناں برگ بیتگ –
آوار جنگ بیتگیں مردمانی پجار مولوی اکرم کوهی، مولوی اصغر کوهی، مولوی یاسین آسکانی، محسن آسکانی، یاسین شکری ءُ حبیب الله کوهی ءَ هوار اَنت-
زانگ بہ بیت گوستگیں روچ ءَ مولوی کوھی زاھدان ءَ دراتکگ دیم پہ وتی ھند پشامگ ءَ روگ ءَ بیتگ کہ نیم راہ ءَ آوار جنگ ءُ برگ بیتگ کہ تنی وھدی آئی ءِ بارو ءَ دگہ اھوال دیم ءَ نیتکگ اَنت-
دوشی ماں زاھدان ءِ ھواریں ھنداں مھلوک دگ ءِ سر ءَ ٹائر مانداشتگ ءُ مولوی کوھی ءِ یل کنگ ءِ لوٹ کتگ-