ڈیرہ مراد جمالی ءَ دگ جوڑ کنوکیں ٹریکٹرے ءِ سر ءَ اُرش، اُرش ءِ زمہ واری بی آر جی ءَ منّ اِتگ

سربوتگیں ھالانی رِد ءَ بلوچستان ءِ دمگ ڈیرہ مراد جمالی ءَ ناشناسیں مردماں دگ ءِ سر ءَ تراکناکیں شورہ کل کُتگ ءُ دگ جوڑ کنوکیں ٹریکٹرے نشانگ کُتگ – اُرش ءِ زمہ واری بلوچ آجوئی لوٹوکیں سلاہ بندیں گل بی آر جی ءَ منّ اِتگ –

بلوچ ریپبلکن گارڈ ءِ جارکش دوستین بلوچ ءَ رسانکدراں وتی شنگ کرتگیں درشانے ءِ تہ ءَ گوشتگ کہ مروچی مئے سرمچاراں ڈیرہ مراد جمالی دگ جوڈ کنوکیں کمپنی ءِ ٹریکٹر ءِ تراکناکیں شوروانی نشانگ کتگ –

جارکش ءِ رِد ءَ اے اُرش ڈیرہ مراد جمالی ءَ پمپ ءِ نزیک ءَ کنگ بوتگ ءُ چریشی ءَ ٹریکٹر تباہ بوتگ ءُ آئی ءِ ڈرائیور زدگ بوتگ –

جارکش ءَ گوشتگ کہ اے اُرش ءِ زمہ واری ءَ بی آر جی منیت ءُ بلوچستان ءِ آجوئی ءَ زورگیریں پوج ءُ آئی کمک کارانی سر ءَ مئے اُرش برجاہ مان انت –