روکپتی بلوچستان ءِ بنجاھی شھر زاھدان ءَ ایرانی لشکر ءَ مکی مسیت ءِ یک اُستادے دزگیر کتگ ءُ گون وت برتگ-
اھوالانی رد ءَ مکی مسیت ءِ اُستاد ءُ حصاروئیہ مدرسہ ءِ سروک دزگیر کنگ ءَ پد گون وت برتگ-
دزگیر کنگ بیتگیں استاد ءِ پجار حافظ ھدایت اللہ کمبرزئی ء مصطفیٰ جھمنند سیاھدک زاھدان ءِ نام ءَ زانگ بیتگ-
اھوالانی رد ءَ ھدایت اللہ مکی مسیت ءَ در اتکگ ءُ وتی لوگ ءَ روگ ءَ بیتگ کہ ایرانی لشکر ءَ دزگیر کتگ ءُ گون وت برتگ-
زانگ بہ بیت آدینگ ءِ روچ ءَ ھم بازیں مردمے روکپتی بلوچستان ءِ بنجاھی شھر زاھدان ءَ مکی مسیت ءِ کش ءُ گوراں ھم بازیں مردمے آوار جنگ ءُ بیگواہ کنگ بیتگ اَنت-