روکپتی بلوچستان ءَ گروک ءِ شھم ءَ دو مردم بیران بیتگ اَنت،بیران بیتگیں مردمانی توک ءَ یک زھگے ھوار اِنت-
گیشیں اھوالانی رد ءَ گوستگیں شپ ءَ روکپتی بلوچستان ءِ دمگ راسک ءَ گروک ءِ شھم ءَ دو مردم بیران بیتگ اَنت-
بیران بیتگیں مردمانی پجار عبدالغفور دردور جھمنند چراگان راسک ءُ سیزدہ سالی ئیں زھگ اسلم ء عبدالسلام جھمنند سولدان پیشن راسک ءِ نام ءَ زانگ بیتگ-
زانگ بہ بیت گوستگیں دو روچاں پیش مھکمہ موسمیات ءَ سیستان و بلوچستان ءِ زرباری ھنداں ھور ءُ گوارانیانی درگت ءَ ھم گپ جتگ ات کہ ھور ءُ گوارایانی گمان اِنت ایشی ءِ توک ءَ گروک ءُ گرند ترند بنت اِنت-