دی بلوچستان پوسٹ
ڈیرہ مراد جمالی ءَ سیادی داروکیں دو برات ظفر علی ءُ امداد علی ء رحم علی ءِ کھول ءَ گْوشتگ کہ آیانی دوستناک پنچ اکتوبر ءَ چہ مستونگ ءِ دمگ ءَ بیگواہ کتگ اَنت- ظفر علی ءُ امداد علی ءِ پہ سلامتی یل کنائینگ ءِ ھاتر ءَ مئے توار جوڑ بہ بہ اِت-
کھول رِد ءَ ظفر علی ، امداد علی ء رحم علی ڈیرہ مراد جمالی ءَ چہ دشت دمگ مستونگ ءَ وتی لوگ ءَ لاپ والینگ ءِ ھاتر ءَ میڈیکل اسٹورے پچ کتگ، پنچ اکتوبر ءَ روچ ءِ ساتھ دو ءَ پاکستانی لشکر ءَ دو گاڑیانی ھمراھی ءَ میڈیکل اسٹور سر ءَ بیڑبرتگ ءُ دوئیں برات آوار جتگ ءُ ناشناسیں جاھے ءَ برتگ کہ انگت بیگواہ ءَ اَنت-
ما انسانی ھکانی کارندھاں ، سیاسی ءُ چاگردی گلاں ءُ وکیلاں گوں دزبندی کن ایں مئے لوگ ءِ لاپ دیوکاں پہ سلامتی یل کنائینگ ءَ مئے توار جوڑ بہ بنت-