چہ چاگی ءَ پنچ ماہ ساری زورانسری آواع جنگ بوتگیں کسانسالیں ذاکر محمد حسنی ءِ کھول ءَ وتی پریات زرتگ ءُ دالبندین پریس کلب ءَ وت ءَ سرکتگ –
گریتگیں چماں گوں اھوالکاراں تران کنان ءَ ذاکر ء شیر محمد جھمنند نادر آباد چاگی ءِ آوار جنی ءُ آئی ءِ ملزمانی دزگیری ءُ پدا یل کنگ ءِ گپ جتگ ءُ گوشتگ کہ منی چم پہ وتی چُک ءِ دیدارے ءَ تلوسگ ءَ انت گوستگیں پنچ ماہ ءَ آئی ءَ در در ٹک اِتگ بلے آئی ءِ زھگ آئی ءَ نہ رستگ – کہ آئی ءِ جتائی سھب ءُ بیگاہ گریویت ءُ چہ ھاوند ءَ دوا کنت –
آئی ءَ گوشتگ کہ ما وتی زھگ ءِ آوار جنوکانی گور ءَ وت ءَ سر کتگ آ کانود ءِ دست ءَ ھم داتگ انت بلے بژن ناکہ آ دیراں بندیگ کنگ بوتگ انت ءُ ناکہ مئے زھگ یل کنگ بوتگ – پرچا کہ آوار جنوکانی دست دیر سک انت ءُ ما بزگر انت – ھمے ھاتر ءَ مارا انساپ رسگ ءَ نہ انت وھدیکہ کتکار سربازار گردگ انت ءُ مارا بیھار ھم دیگ ءَ انت –
آیاں چہ برزی تبک ءِ واکدار ءُ ٹکی سروک ءُ پھازگی ادارھانی واکداراں گوں لوٹ کتگ کہ ذاکر ءِ یل کنائینگ ءَ وتی کرد ءَ پیلو بہ کن انت ءُ آئی ءَ انساپ بہ دئینت –