روکپتی بلوچستان ءِ جتا جتائیں جاھاں ایرانی لشکر ءَ یک اُستادے ءَ ھوار دو مردم آوار جنگ ءَ پد بیگواہ کتگ اَنت-
گیشیں اھوالانی رد ءَ روکپتی بلوچستان ءِ دمگ فنوج ءَ ایرانی لشکر ءَ وانگجاہ ءِ اُستاد دزگیر کنگ ءَ پد گون وت برتگ-
آوار جنگ بیتگیں اُستاد ءِ پجار مسعود زبردستی ء علی ءِ نام ءَ زانگ بیتگ-
اھوالانی رد ءَ مسعود گوستگیں روچ ءَ لس پوشاکی گداں ھواریں کارمنداں دزگیر کتگ ءُ گون وت برتگ-
ھمے وڑ ءَ پھرہ ءَ ھم یک مردمے آوار جنگ ءَ پد بیگواہ کنگ بیتگ-
آوار جنگ بیتگیں مردم ءِ پجار بیست ءُ سَے سالیگیں میلاد گمشادزئی ء درمھمد جھمنند پھرہ ءِ نام ءَ زانگ بیتگ-
اھوالانی رد ءَ اے مرد گوستگیں روچ ءَ زُھر ءِ نماز ءِ وھد ءَ آوار جنگ ءُ برگ بیتگ کہ چریشی ءَ پد آئی ءِ درگت ءَ ھچ اھوال نیست اَنت-