روکپتی بلوچستان ءِ بنجاھی شھر زاھدان ءَ کسان سالیں ورنایے ایرانی لشکر ءَ لَٹ ءُ کُٹ کنگ ءَ پد گون وت برتگ-
برگ بیتگیں ورنا ءِ پجار پانزدہ سالی ئیں یاسین ریکی ء جھانشاہ جھمنند زاھدان ءِ نام ءَ زانگ بیتگ-
اھوالانی رد ءَ یاسین یکشمبے ءِ روچ ءَ ماں زاھدان گاراج ءَ ایرانی لشکر ءَ گپتگ ءُ پد ءَ لٹ ءُ کُٹ کنگ ءَ پد گون وت برتگ کہ چریشی ءَ پد آئی ءِ درگت ءَ دگہ اھوال نیست اَنت-
ھمے وڑ ءَ چہ زاھدان ءِ زندان ءَ سَے بندیگ لس پوشاکی مردماں کش اتگ ءُ ناشناسیں زنداناں برتگ اَنت-
اھوالانی رد ءَ چار روچ ءَ ساری ماں زاھدان ءِ زندان ءَ بندیگیں بنیامین کوھکن ذبیح اللہ کوھکن ءُ ادریس کوھکن لس پوشاکی گُدانی کارمنداں کش اتگ ءُ دگہ ناشناسیں زنداں برتگ اَنت-
زانگ بہ روکپتی بلوچستان ءَ ورنایانی گر ءُ بند کنگ گوستگیں یک سالے ءِ توک ءَ باز گیشی گندگ ءَ اتکگ کہ اود ءَ بازیں کچے ءَ مردم گرگ ءُ بیگواہ کنگ بیتگ اَنت-