ھزدار ءِ ھند وڈھ ءَ دزبمبے ءِ ترکگ ءَ چار سک زدگیں زھگاں ھزدار ءَ سر کنوکیں ایمبولینس وھیر ءِ ھند ءَ وئیل ءِ آماچ بیتگ-
وڈھ ءَ فتح مھمد میتگ ءَ زرچین ءَ یک راہ ءَ روکیں زھگاں یک دزبمبے دزکپتگ ءُ ایشی ءِ گون ءَ زھگ لیب ءَ بیتگ اَنت کہ بمب ترک اتگ –
بمب ءِ تراک ءِ آسر ءَ دَہ زھگ زدگ بیتگ اَنت ءُ ایشانی توک ءَ چار زھگ سک زدگ بیتگ اَنت – زدگ بیتگیں زھگانی چار سک زدگ بیتگیں زھگانی پجار ناصر ء پسند خان، فیصل ء ثنا اللہ، مھراج ء جان مھمد، یونس ء دین مھمد ءِ ناماں زانگ بیرگ اَنت-
کمے زدگ بیتگین زھگ وڈھ ءَ درمان کنگ بیتگ اَنت ءُ سک زدگ بیتگیں زھگ ھزدار ءَ برگ بیگ ءِ وھد ءَ ایمبولینس وھیر ءِ ھند ءَ وئیل ءِ آماچ بیتگ چریشی ءِ آسر ءَ یک زھگے بیران بیتگ –
دونیمگ ءَ وڈھ ءَ گوستگیں شپ ءَ دومی ٹولیانی وڈھ ءِ بازیں جاھاں ھستیں سنگر ھلاس کنگ بیتگ اَنت ءُ وڈھ ءَ بازیں کچے ءَ لشکر جاڑیگ اِنت ءُ وڈھ ءِ بازار ءَ ھوار بازیں وانگ جاہ بند اَنت-