کانگریس وتی پندلاں یل بہ کنت، یوکرین ءَ کمک کنگ بیت اِنت- سروک جوبائیڈن

امریکہ ءِ سروک جوبائیڈن ءَ ھمسنتاناں دلگوش دیان ءَ گوشتگ یوکرین ءِ واستا امریکہ ءِ کمک برجاہ بیت اِنت-

امریکہ ءِ ھال سرکنوکیں ادارہ ات پی کے ءِ رد ءَ یکشمبے ءِ روچ ءَ وائٹ ھاؤس ءَ گپ جنان ءَ سروک جوبائیڈن ءَ گوشتگ کانگریس زوت ءَ چہ زور کمکی پیکجانی سر ءَ گپ ءُ تران بہ کنت اِنت-

مئے گور ءَ وھد ھست اِنت بلے باز اناں ما کجام ھم رنگ ءَ یوکرین ءِ واستا امریکہ ءِ کمک ءِ دارگ ءِ اجازت نہ دے ایں-

سروک جوبائیڈن ءَ گوشتگ ڈیموکریٹس ءُ ریپبلکن ءِ گیشترین مردم یوکرین ءِ کمک ءِ پلامرزی ءَ کن اَنت ءُ کانگریس وتی پندلاں یل بہ کنت ءُ کمک ءِ اے امل ءَ دیم ءَ روگ ءَ بِل ات-

بازیں کانون ساز اے گپ ءَ من انت کہ کانگریس ءَ یوکرین ءِ کمک ءِ واستا من اتگیں جنگ ءَ دراج کش ءَ چہ گیشتر بیان اِنت-

بلے سینیٹ ءِ گیشتر رھشون چک شومر ءَ یوکرین ءَ گیشین کمک کنگ ءِ واستا کانون سازی ءِ سر ءَ گچین کنگ بندات کتگ-

ایوان ءِ نمائندگانی اسپیکر کیون میک کارتھی ءَ سی بی ایس ءِ نیاد ’فیس آن دی نیشن ‘ ءَ گپ کنان ءَ گوشتگ یوکرین ءَ ھما سلاہ درکار اِنت ءُ آ آئی ءِ پلامرزی ءَ کنت اِنت بلے ایشی ءِ راستی امریکہ ءُ میکسیکو ءِ سیمسراں سیکورٹی اِنت-

سرکار ءِ ھلائینگ ءَ یوکرین ءِ کمک ءِ کٹ کتگ ءُ کیون میککارتھی ءَ سینٹ ءَ یک دگہ پیکجے ءِ راہ بند کتگ – چریشی ءِ سبب ءَ یوکرین ءَ شش ارب ڈالر رسگی بیتگ-

نی سروک جوبائیڈن امریکہ ءِ ھمسنتاں سدکی دیگ ءِ واستا کار کنگ ءَ اِنت یوکرین ءَ گیشیں کمک دیگ بیت اِنت-

درملکی ھمسنتاں ھم کمکانی سر کنگ ءِ درگت ءَ ھم زھر ء درشان کتگ-

یورپی یونین ءِ پالیسی ءِ چیف بوریل ءُ یکشمبے ءِ روچ ءَ کیف ءِ تر ءُ تاب ءَ گوشتگ کہ یوکرین ءِ کمک ءِ واستا یک نوکیں رنگ ءُ دروشمے چارگ بوگ ءَ ایں ءُ امیت اِنت یوکرین ءِ واستا امریکہ ءِ پلامرزی برجاہ بیت اِنت-

زانگ بہ بیت گوستگیں ھپتگ ءَ کیپٹل ھل ءَ امریکہ ءِ ایوان نمائندگ ءِ باسک یوکرین ءِ سروک ولادیمیر زیلنسکی ءَ گوں دچار کپتگ اَنت ءُ سروک زیلنسکی ءَ گوشتگ یوکرین جنگ ءَ سوبمند بوگ ءَ اِنت ءُ گیشیں کمک المی درکار اَنت-

گند ءُ نند ءَ پد سینٹر چک شومر ءَ یوکرین ءِ سروک ءِ درور ءَ گوشتگ ات اگاں ما کمک نہ دات گڑا جنگ ءَ پروش ورے-