ترکی پارلیمنٹ سر ءَ اُرش “امر بریگیڈ” ءِ دو زالبول پدائیاں کتگ- پی کے کے

ترکی پارلیمنٹ اُرش، کرد آجوئی لوٹوکیں گل پی کے کے ءَ زمہ واری منّ اِتگ-

عراق ءُ ترکی ءِ کرد دمگاں پُرکاریں کرد آجوئی لوٹوکیں سلاہ بندیں گل کردش ورکرز پارٹی ” پی کے کے ” ءَ رسانکدر ءَ شنگ کتگیں وتی درشان ءَ مروچی ترکی ءِ دمگ انقراہ ءَ ترک پارلیمنٹ سر ءَ وتکش اُرش زمہ واری منّ اِتگ-

گل ءِ نیمگ ءَ چہ شنگ کتگیں درشان ءِ تہ ءَ گْوشتگ کہ مرچی پی کے کے پدائی ٹولی ءِ دو زالبولیں باسک کامریڈ زوجت زالان ءُ اِردال وھیان ءَ ترکی ءِ وزرات داخلہ” ءِ بگیری ءَ یک سوبمندیں وڑے ءَ پارلیمنٹ نشانگ کتگ، ھمے وھد ءَ مئے سنگت سوبمندیں وڑے ءَ وتی نشانگ ءَ سر بوتگ ءُ وت ءَ تراکینتگ ئِے-

گل نیمگ ءَ چہ ٹاہ دیگ بوتگ کہ اُرش ترکی ءِ وھد سُھب نُھ نیم ءَ کنگ بیتگ وھدے کہ مئے سنگتاں لَس مھلوک رکینتگ ءُ جوانیں وڑے ءَ وتی ڈس نشانگ کتگ-

اے ٹولی ءَ وزرات داخلہ ءِ سر ءَ اُرش ترکی ءَ بندگیں کُرد لَس مھلوک سر ءَ برجاھیں انسان سوزیں زُلم، کرد دمگاں شھریاں سر ءَ برجاھیں دمگاں کرد جنگولانی بگیری ءَ جنگی جرم ءَ ترک پوج ءِ نیمگ ءَ چہ زھرناکیں سلاہ کارمرزی ءِ پُشدر ءَ کتگ-

گل ءِ نیمگ ءَ چہ درشان ءَ گوشگ بیتگ کہ آئی ءِ پدائیں سنگت گوں تُرندی ءَ نشانگ کنگ ءَ سوبمند بیتگ اَنت بلے چو مدامی وڑ ءَ اے رند ءَ ھم ترک واکدار پشلی ءَ وتی تاوان چیر دیگ ءِ جُھد کتگ-

پی کے کے ءَ اُرش امر ٹولی ءِ گوستگیں کماندار شھید” اقثن موس” حولیا دمیرور نام سر ءَ ایر کتگ-

گل ءَ درشان ءِ گُڈی ءَ گوشتگ کہ کرد راج ءُ مئے گل کامریڈ زوجت زالان ءُ اِردال وھیان ءِ دیمونی ءَ مدام یات کنت ءُ کرد ڈیھ ءِ آجوئی ءَ تاں زورگریں دُژمن ءِ بگیری ءَ مئے اُرش برجاہ بنت-