بلوچستان لبریشن فرنٹ ءِ جارکش میجر گوھرام بلوچ ءَ وتی شنگ کرتگیں درشان ءَ اُرش ءِ زمہ واری منان ءَ گوشتگ سرمچاراں کیچ ءِ ھند مند ءَ رِدیگ ءُ شند ءِ میانجی ءَ پیسر ءَ سنگر گیپتگ ءُ پاکستانی لشکر ءِ یک گاڑی یے ءِ سر ءَ اُرش کُرتگ ءُ دُژمن ءِ دو کارمند کُشتگ ءُ یکے ٹپی کُرتگ انت۔
آئی ءَ گوشتگ اے اُرش شمبے ءِ سُھب ءِ دہ ءَ بلوچستان لبریشن فرنٹ ءِ سرمچاراں ھما وھد ءَ کُتگ وھدے ویگو گاڑی ءَ سوار بیتگیں پاکستانی لشکر ءِ سَے کارمند چہ نزیکیں پانگس ءَ آپ ءِ رَند ءَ ’مرزا زو ‘ ءَ اَتکگ اَنت۔ دُژمن ءِ نشانگ کنگ ءَ سرمچاراں گوں وتکاریں سلاھاں اُرش کُرتگ کہ چہ ایشی ءَ دو کارمند جاھی مُرتگ ءُ یک کارمندے ٹپی بیتگ۔
جارکش ءَ گوشتگ اے اُرش دُژمن ءِ سُر ءُ پُرانی گِر ءُ دار کنگ ءَ گشینتگیں شوندات ءِ بھر اِنت۔بلوچ سرمچار دُژمن ءَ ھر پِڑ ءَ پروش دیگ ءَ مُھکم اَنت ءُ آئی ءِ سُر ءُ پُراں گوں ھُرتی ءَ چارگ ءَ اَنت۔داں کہ زورگیپتیں بلوچستان ءَ پاکستانی لشکر زورگِر اِنت آئی ءِ سر ءَ اُرش برجاہ بنت۔
آئی ءَ گوشتگ اے اُرش ءَ پد سرمچار پہ دْراھی چہ اود ءَ درکپگ ءَ سوبمند بیتگ اَنت۔
مجرگوھرام بلوچ ءَ گوشتگ بلوچستان لبریشن فرنٹ اے اُرش ءِ زمہ واری ءَ منّ ایت۔