مند ءَ پاکستانی پوج ءِ بنجل ءِ سر ءَ اُرش

سربوتگیں ھالانی رِد ءَ بلوچستان ءِ دمگ مند ءَ ناشناسیں سلاہ بندیں مردماں پاکستانی پوج ءِ بنجاھی بنجل ءِ سر ءَ گوں راکٹ گولہ ءَ اُرش کتگ –

نزیکیں ھند ءُ دمگاں تیر ءُ تراکانی توار اشکنگ بوتگ- وھدیکہ پوج ءِ نیمگ ءَ ھم تیر گواری کنگ بوتگ ءُ پوج ءِ نیمگ ءَ چاریگی ڈرون ھم یل کنگ بوتگ –

بنداتی ھالانی رِد ءَ ھچ وڈیں جانی تاوان ھال سر نہ بوتگ وھدیکہ اُرش ءَ پد پوج ءَ نزیکیں ھند ءُ دمگ وتی انگر ءَ کتگ انت –

زانگ بہ بیت اے ھند ءُ دمگاں پاکستانی پوج ءِ سر ءَ بوتگیں اُرشانی زمہ واری گیشتر بلوچ آجوئی لوٹوکیں سلاہ بندیں گلاں منّ اِتگ انت بلے اے اُرش ءِ زمہ واری ھچ گل ءَ نہ منّ اِتگ –