کیچ ءِ جھمنند چہ کراچی ءَ زورانسری آوار جنی ءَ پد بیگواہ

سربوتگیں ھالانی رِد ءَ پاکستانی پوج ءَ کیچ جھمنند چہ کراچی ءَ زورانسری آوار جتگ ءُ بیگواہ کتگ –

گیشیں ھالانی رِد ءَ زورانسری آوار جنگ بوتگیں مردمے پجار نعیم ء حاصل خان انت کہ کیچ ءِ دمگ تمپ کلاھو ءِ نندوک انت کہ پاکستانی پوج ءَ چہ کراچی ءِ دمگ لیاری ءَ زورانسری آوار جتگ ءُ بیگواہ کتگ –

ھمے گوشگ بوگ ءَ انت کہ اے مرد وتی زھگانی الاج ءَ پہ کراچی ءَ اتکگ بوتگ –

بیگواھیں مردمانی پانکجنیں گل وائس فار بلوچ مسنگ پرسنز ءَ اے مردے یل کنگ ءِ لوٹ کتگ –

زانگ بہ بیت ھمے ماھ ءِ اولی سَے ھپتگاں سرجمیں بلوچستان ءَ بیست ءَ گیش زورانسری آوار جنی ءِ ھال اتکگ انت –