سر بیتگیں ھالانی رد ءَ روکپتی بلوچستان ءِ دمگ دلگان ءَ ایرانی لشکر ءَ تیرگواری کنان ءَ ھبدہ سالی ئیں ورنایے کشتگ-
بیران بیتگیں ورنا ءِ پجار احسان یوسزئی ء مراد جھمنند مند بخش جلگہ دلگان ءِ نام ءَ زانگ بیتگ-
اھوالانی رد ءَ ورنا وتی پرپٹ ءَ گوں روگ ءَ بیتگ کہ چیریں ادارھانی کارمنداں دارگ ءِ جھد کتگ بلے آ چہ ترس ءَ نہ اوشتاتگ ءُ آئی ءِ سر ءَ تیرگواری اش کتگ ءُ کشتگ-
احسان یوسفزئی ءِ لاش زاھدان ءَ برگ بیتگ ءُ چریشی ءَ پد آئی ءِ لاش ماں دلگان ءَ آرگ بوگ ءَ اِنت-
دمگی مردمانی رد ءَ چیریں ادارہ اطلاعات ءَ رندی ءَ گوشتگ گوں ما کزا بیتگ ءُ ما تیر پہ ردی ءَ جتگ انت-