ھزدار ءَپولیس کارمندانی سر ءَ اُرش، شال دزبمب ءِ دز کپتگ

سربوتگیں ھالانی رِد ءَ بلوچستان ءِ دمگ ھزدار ءَ ناشناسیں سلاہ بندیں مردماں پولیس کارمندانی سر ءَ اُرش کتگ، پولیس ءَ پسوی تیرگواری کتگ بلے اُرشکار درآیگ ءُ روگ ءَ سوبمند بوتگ انت –

اھوالکار ءِ رِد ءَ اے اُرش گوستگیں شپ ءَ ھزدار ءِ دمگ محمد شئی کھٹان ءَ پولیس چیک پوسٹ ءِ نزیک ءَ بوتگ کہ سلاہ بندیں مردماں پولیس کارمند جلیل احمد ءِ سر ءَ اُرش کتگ، پولیس ءَ پسوی تیرگواری کُتگ ارشکار تچگ ءُ رؤگ ءَ سوبمند بوتگ انت ھچ وڈیں جانی تاوان نہ بوتگ –

پولیس ءِ نیمگ ءَ اُرشکارانی پٹ پول برجاہ انت –

دمگی مردماں وئیلے بگیری ءَ زھرشانی کتگ ءُ چہ بُرزی تبک ءِ واکداراں گوں لوٹ کتگ کہ پولیس کارمندانء پھازگ ءَ گامگیج بہ زوریت ءُ آھانی سپاھیاں گیش بہ کنت –

دومی نیمگ ءَ شال ءِ دمگ قمبرانی دگ ءَ جنکانی مزنیں وانگجاھے نزیک ءَ دزبمب ءِ دست کپتگ –

بم ڈسپوزل ءَ دز بمب ناکارہ کتگ – سریاب ءِ ایس ایچ او ءِ گوشگ انت جنکانی مزنیں وانگجاھ ءَ بمب دست کپتگ – ھالے سر بوگ ءَ بم ڈسپوزل ءَ وت ءَ ھمے جاہ ءَ سر کتگ ءُ دزبمب ناکارہ جوڈ کتگ – اے درگت ءَ گیشیں پٹ پول برجاہ انت –