فیفا ویمنز فٹ بال ورلڈ کپ: راجدپتر ءَ اولی رند ءَ فلسطین ءِ زالبول ریفری ھوار

نیوزی لیند ءُ آسٹریلیا ءَ برجاھیں فیفا ویمنز فٹ بال ورلڈ کپ ءَ راجدپتر ءَ اولی رند ءَ فلسطین ءَ سیادی داروکیں زالبول ریفری میگا ایونٹ ءَ ھوات کنگ بیتگ-

ویب سائٹ دی نیو عرب ءِ رد ءَ سی ءُ چار سال ءِ ھیبا سعدیہ بیست جولائی ءَ بندات بیتگیں فیفا ویمنز فٹ باک ورلڈ کپ ءَ وتی کرد ءَ پیلو کنگ ءَ اِنت-

ھیبا سعدیہ ءُ قطر ءِ ھال شنگ کنوکیں ادارہ الجزائر ءَ گون گپ کنان ءَ گوشتگ کہ من ورلڈ کپ ءَ اولی فلسطین ءِ ریفری ءَ ھوار بوگ ءَ پھری سما کنگ ءَ اَنت-

آئی ءَ گوشتگ کہ ایشی ءِ توک ءَ من ءَ ٹورنامنٹ ءِ شریں کرد ءِ پیش کنگ ءِ زمہ واری گیش بوتگ من ءَ اُمیت اِنت کہ ایشی ءَ گیش فلسطین ءِ ریفر درکار اَنت آ مرد بنت یا زالبول آیانی واستا در پچ اِنت-

ھیبا سعدیہ ودی بوگ ءَ فلسطین ءِ جاڑے بیتگ بلے آ شام ءَ رُستگ ءُ مزن بیتگ آئی ءَ دمشق ءِ یونیورسٹی ءَ فزیکل ایجوکیشن ءِ وانگ سرجم کتگ-

آئی ءَ وتی ریفری ءِ کیرئیر ءِ بندات شام ءَ کتگ اود ءَ آئی ءَ ریفریز ءِ کمیٹی ءَ ھوار گیجگ بیتگ ءُ شام لیگ ءِ میچز ءِ وھد ءَ آ چارُمی آفیشل ءَ وتی کرد ءَ پیلو کنگ ءَ بیتگ – بلے سال دوھزار ءُ دوازدہ ءَ شام جنگانی دیمپان بیتگ ءُ آئی ءَ ملائیشیا ءَ روگ کپتگاے

ایشی ءَ پد ھیبا سعیدیہ ءَ ملائیشیا ءَ نیشنل فٹ بال ایسوسی ایشنز ریفری ءِ نیاد ءَ وت ءَ بھر مند کتگ ءُ ایشی ءَ پد آ یورپی ڈیھ سویڈن ءِ بنجاھی شھر اسٹاک ھوم ءَ شتگ-

سویڈن ءَ آئی ءَ سویڈش فٹبال ایسوسی ایشن ءَ سیمی لیول ءِ ڈویژن ون ءَ بستار ءِ ریفری ءَ کار بندات کتگ ءُ فیفا ریفرء ءِ لائسنس ءِ تکاں آئی ءَ جد ءُ جھد بندات کتگ ءُ چریشی ءَ پد آئی ءَ سال دوھزار ءُ شانزدہ ءَ انٹرنیشنل ریفرینگ ءِ بیج دیگ بیتگ –

زانگ بہ بیت ھیبا سعیدیہ ءَ ریفرینگ ءِ بیج ءِ رسگ ءَ پد آ دی ایشیئن فٹبال کنفیڈریشن کپ، اولمپکس کوالیفیکشن میچز ءُ ویمنز ورلڈ کپ ءَ کوالیفائرز ءَ بستار ءِ ریفری ءَ کرد ءَ پیلو کنگ ءَ اِنت-