امریکہ ءِ ایئربیس ءَ کینیڈن ءُ فرانس ءِ پوجی بالیگ ءِ ٹکر بیتگ

گوام ءَ امریکہ ءِ ایئربیس ءَ اوشتاتگیں یک فرانسیسی بالیگے ءَ کینیڈین پوجی بالیگے ءَ ٹکرینتگ انت-

فرانسیسی ھال سرکنوکیں ادارہ اے ایف پی ءِ رد ءَ فرانس ءِ سلاہ بندین لشکر ءَ وتی یک درشانے ءَ گُشتگ کہ اینڈرسن ایئربیس ءَ رائل کینیڈین ایئرپورس ءِ بالیگ ءَ فرانسیسی اے 400 ایم ءِ گون ءَ وئیل ءَ ھچ کس زدگ نہ بیتگ – بلے ھردوکیں بالیگانی سٹیئرنگ سسٹم تباہ بیتگ اَنت-

کینیڈین ایئرپورس ءَ اے وئیل راست کتگ – بلے اے نہ گشتگ وئیل ءِ وھد ءَ بالیگ ٹیکسی کنگ ءَ بیتگ یا پارکنگ ءَ اوشتوک بیتگ ءُ شِترتگ ءُ لگ اتگ-

فرانس ءِ بالیگ دمگی ھیلکاریانی واستا گوام ءِ ایئربیس ءَ جاڑیگ بیتگ – فرانس ءَ اے مشن ءِ واستا بیست بالیگ روان داتگ انت کہ ایشانی توک ءَ چار اے 400 ایم ھوار اَنت-

فرانس ءِ وزارت دفاع ءَ گوشتگ کہ اے ھیلکاری فرانس ءِ پورس پروجیکشن ءِ زھرشانی واستا اِنت – ءُ باز وھداں بازیں ڈیھ وتی شھری ءُ ڈیھی لوٹانی پھریزگ ءَ کنگ ءَ اَنت-

فرانس ءِ سروک ایمانویل میکخول اے وھد ءَ دمگ ءِ سَے جاھاں تر ءُ تابانی توک ءَ اِنت ایشانی کیلیڈونیا، وانواتا ءُ پاپوا نیوگنی ھوار اَنت-