نیکشھر: ناشناسیں سلاہ بندیں مردمانی تیرگواری ءَ یک مردمے بیران

روکپتی بلوچستان ءِ دمگ نیکشھر ءَ ناشناسیں مردماں تیرگواری کنان ءَ یک مردمے کُشتگ –

اھوالانی رد ءَ وئیل نیکشھر ءِ ھند کرین دوک ءَ پیش اتکگ کہ اود ءَ ناشناسیں مردماں تیرگواری کتگ ءُ یک مردمے کُشتگ –

کُشگ بیتگین مردم ءِ پجار مصطفی ریکی ءِ نام ءَ زانگ ءَ بیتگ –

اھوالانی رد ءَ لھتے روچ ءَ پیش کرین دوک ءَ آئی ءِ گاڑی گندگ بیتگ ءُ پد ءَ دمگی مردم گاڑی ءِ گور ءَ شتگ اَنت ءُ اود ءَ آ مردگیں جاوراں گندگ بیتگ ءُ پولیس ءَ آئی ءِ لاش چست کتگ ءُ برتگ –

آئی ءِ کوش ءِ بارو ءَ دگہ گیشیں اھوال دیم ءَ نیتکگ اَنت-