شال: کوہ گردیں ورنایے ماں کوھانی تہ ءَ بیگواہ

مروچی بزاں آدینگ ءِ روچ ءَ شال ءِ دمگ پشتون آباد ءَ سیادی داروکیں کوہ گردیں ورنایے ماں کوھانی تہ ءَ بیگواہ بوتگ –

پہ آئی ءِ شوھاز ءِ ھاتر ءَ پی ڈی ایم اے ءِ ریسکیو ٹولی ءُ اسٹاف ءِ آپریشن برجاہ انت –

پی ڈی ایم اے ءِ نیمگ ءَ ڈرون کیمرہ ھم کارمرز بوگ ءَ انت – ریسکیو آپریشن ءِ ھاتر ءَ ڈی جی پی ڈی ایم اے جہانزیب خان وتی ٹولی ءِ ھمرائی ءَ سربوتگ وھدیکہ ڈائریکٹر فیصل پانیزئی ءُ فیصل طارق ھم ھمودا ساڑی انت –

ھمے وھد ءَ ڈی جی پی ڈی ایم اے جہانزیب ءَ چہ مردمانی گوم ءَ دزبندی کتگ کہ سرکار ءِ ھکمانی پابندی ءَ بہ کن انت –

آئی ءَ گوشتگ کہ بیگواھیں ورنایے کھول ھما ازاب ءِ تہ ءَ گوزگ انت ما شری ءَ سرپد انت پی ڈی ایم اے ءُ ٹولی ورنایے شوھاز ءَ وتی وس واک ءِ جھد ءَ کنگ ءَ انت –

جہانزیب ءَ گوشتگ کہ ما سَے روچانی تہ ءَ ھئورانی درگت ءَ شیواری ءَ شنگ کن ایں – ھئورانی موسم انت کوہ ءُ سیل سواد ءِ رؤگ ءَ پھریز بہ کن ات – آئی ءَ گوشتگ کہ مروچی ہائی کنگ ٹولیانی ھمراھی ءَ دوبر ریسکیو آپریشن ءَ بندات کنیں گڈا اشی ءِ ھاتر ءَ اژدری انت کہ پابند بہ بیت –