تکنیکی ھرابی ءِ سبب ءَ ٹورنٹو ءَ رویں پی آئی اے ءِ بالیگ روس ءَ واترینگ ءُ لاھور ءِ بالی پٹ ءَ اژدری نادینگ بیتگ

پاکستان ءِ انٹرنیشنل ایئرلائنز (پی آئی اے) چہ لاھور ءَ دیم پہ ٹورنٹو ءَ روکیں بالیگ تکنیکی ھرابی ءِ سبب ءَ چہ روس ءَ واترینگ بیتگ ءُ لاھور ءِ بالی پٹ ءَ نادینگ بیتگ-

دوشمبے ءِ روچ ءَ پی آئی اے ءِ جارکش ءَ یک درشانے ءَ گوشتگ کہ چہ لاھور ءَ دیم پہ ٹورنٹو ءَ رؤکیں بالیگ پی کے 797 بال ءِ وھد ءَ تکنیکی ھرابی ءِ سبب ءَ بالیگ ءِ دیم واترینگ بیتگ ءُ لاھور ءِ بالی پٹ ءَ نادینگ بیتگ-

جارکش ءِ گوشگ اِنت روس ءَ بالیگ ءِ ھائیڈرالک ءِ وارننگ ءِ نشانی ءَ پد کپتان ءَ بالیگ ءِ دیم ترینتگ ءُ پاکستان ءَ کتگ –

پاکستان ءَ پی آئی اے ءِ سرجمیں انجینیئرنگ بیس جاڑیگ اَنت اود ءَ کوالیفائی انجینیرز بالیگ ءِ چار ءُ ٹپاس ءَ کن اَنت ءُ ھرابی ءَ دورے کن اَنت-

پی آئی اے ءِ جارکش ءِ رد ءَ بالیگ دارگ بیتگ ءُ آئی ءِ مساپر دگہ دگہ بالیگاں بھر ءُ بانگ کنگ بیتگ اَنت-

بالیگ یکشمبے ءُ دو شمبے ءِ میانی شپ ءَ چہ لاھور ءَ چست بیتگ ءُ ٹورنٹو ءِ واستا بال کنان بیتگ-