کیچ: پاکستانی پوج ءِ سر ءَ اُرش، میجرے ءَ ھوار دو کارمند مرتگ انت

سربوتگیں ھالانی بلوچستان ءِ دمگ کیچ کولواہ ءَ مروچی یکشمبے ءِ روچ ءَ پاکستانی پوج ءِ کاروان ءِ سر ءَ اُرش کنگ بوتگ –

اھوالکار ءِ رِد ءَ سلاہ بندیں مردماں پیسر ءَ دگ بستگ ءُ پوج ءِ کاروان ءِ سر ءَ اُرش کتگ –

اُرش ءَ پاکستانی پوج ءِ میجر ثاقب ءَ ھوار دو کارمند مرتگ انت ءُ دو ءِ زدگ بوتگ انت –

اُرش ءَ پد مزنیں کچے ءَ پوج اتکگ ءُ جنگ جاہ ءَ سربوتگ انت نزیکیں ھند ءُ دمگاں پٹ پول برجاہ انت –

زانگ بہ بیت کیچ ءَ پاکستانی پوج ءِ سر ءَ چدوپیسر ھم اے دابیں ٹوھیں اُرش کنگ بوتگ انت کہ آھانی زمّہ واری بلوچ آجوئی لوٹوکیں سلاہ بندیً گلاں من اِتگ انت بلے اے اُرش ءِ زمّہ واری ھچ گل ءَ نہ منّ اِتگ –

چدوپیسر ژوب ءَ یک اُرشے ءَ پاکستانی پوج ءِ کپٹنے ءَ ھوار چارکارمندمرتگ انت کہ آھانی تہ ءَ پولیس کارمندے ھم ھوار انت –