زاھدان ءُ ایرانشھر ءَ دو کس بیگواہ

روکپتی بلوچستان ءِ دو جتا جتائیں جاھاں دو کس آوار جنگ ءَ پد بیگواہ کنگ بیتگ اَنت-

سر بیتگیں اھوالانی رد ءَ روکپتی بلوچستان ءِ بنجاھی شھر زاھدان ءَ یک ورنایے بیگواہ کنگ بیتگ –

آوار جنگ بیتگیں ورنا ءِ پجار اویس شالی ء مھمد علی جھمنند شیراز ءِ نام ءَ زانگ بیتگ-

اھوالانی رد ءَ اویس شیراز ءِ جھمنند اِنت کہ لھتے روچ ءَ پیش زاھدان ءَ اتکگ بیتگ ءُ واتر شیراز ءَ روگ ءَ بیتگ کہ بس ءِ ٹرمینل ءَ آوار جنگ ءُ بیگواہ کنگ بیتگ-

اھوالانی رد ءَ اویس ٹرمینل ءَ شتگ ءُ پد ءَ لھتے ساھت ءَ پد آئی ءِ نمبر ءُ رھوت بند بیتگ اَنت ءُ آئی ءِ وارس بس ءِ ٹرمینل ءَ شتگ انت اود ءُ جست ءُ پرس اش کتگ ءُ پد آئی ءِ درگت ءَ دگہ ھچ اھوال دیم ءَ نیتکگ اَنت –

ھمے وڑ ءَ ایرانشھر ءَ ایرانی لشکر ءَ یک نیکراھی مردمے آوار جنگ ءَ پد گون وت برتگ-

آوار جنگ بیتگیں مردم ءِ پجار مولوی مھمد اسلام عبدالزئی ءِ نام ءَ زانگ بیتگ –