سُمیہ کلندرانی ءَ سلام، زالبولاں آجوئی ءِ جھد ءِ درسیں سنگراں وتی ساڑی بوگ پدر کُتگ – ایڈوکیٹ رحیم بلوچ

بلوچ آجوئی لوٹوکیں رھشون رحیم ایڈوکیٹ بلوچ ءِ گوشگ انت کہ بلوچ زالبول پہ بلوچستان ءِ آجوئی جھد ءِ درسیں سنگرانی تہ ءَ وتی ساڑی بوگ ءَ پدر کنگ ءَ انت-

آئی ءَ چاگردی ترامجاہ ٹویٹر ءَ وتی ٹویٹ ءِ تہ ءَ نبشتگ کہ منی زھگ سمیہ کلندرانی ءَ سلام، نمیرانیں سمُیہ، شاری ءُ لمہ کریمہ ءِ دیمھونیاں پدر بیت کہ بلوچ زالبول بلوچستان ءِ آجوئی جھد ءں درسیں سنگرانی تہ ءَ وتی ساڑی بوگ ءَ پدر کنگ ءَ انت –

آئی ءَ گوشتگ کہ اے دیمھونی بس یک زات، نسل ءُ ٹک ءَ تاں بندوک نہ انت –