ھندوستان ءَ (مذھبانی) اڑ ءُ گڑانی گپ نریندر مودی ءَ رد کتگ

ھندوستان ءِ سروزیر نریندر مودی ءَ انسانی ھکانی گلانی رپورٹاں ابید امریکہ ءِ سروک جو بائیڈن ءِ گون ءَ پریس کانفرنس کرتگ ءُ گوشتگ جتا جتائیں درمانی گون ءَ بیوکیں ناوشیاں رد کن آں-

برتانیہ ءِ ھال سر کنوکیں روئٹرز ءِ رد ءَ پشمبے ءِ روچ ءَ پریس کانفرنس ءَ وھدیکہ آئی ءَ جست کنگ بیتگ کہ تو وتی ڈیھ ءَ مسلمان ءُ دگہ درمانی شر کنگ ءَ گامگیج زورگ ءَ تیارے؟ گڑا نریندر مودی ءَ پسو داتگ آیاں بھتر کنگ ءِ شلورت نہ اِنت-

آئی ءَ اھوالکاراں گوں پسو دیان ءَ گوشتگ مئے آئین، مئے سرکار ءُ ما منیتگ کہ جمھوریت ڈیلیوری کُت کنت – ءُ من گوش آں زات، ٹک، مزھب، جنس (منی سرکار) کسے ءِ بھر ءُ بانگ کنگ ءَ ھچ جاہ نیست اِنت-

امریکہ ءِ ایوان ءِ نمائندگاں سروک جوبائیڈن ءَ کڈن کتگ ءُ گوشتگ کہ ا نریندر مودی ءَ گند ءُ نند ءِ وھد ءَ ھندوستان ءَ بیوکیں انسانی ھکانی لگتمالیانی سر ءَ توار چست بہ کنت –

سرکارء بنشونی پاٹی ڈیموکریٹک ءِ پاٹی ءِ ھپتاد ءُ پنچ باسکاں پارلیمان ءَ امریکہ ءِ سروک ءِ نام ءَ نمدی نبشتگ کرتگ کہ ایشی ءِ توک ءَ ھندوستان ءَ مزھبی جیڑہ، ھال رھوتی، دامگی ھالانی بندش ءُ سول سوسائٹی ٹولیانی نشانگ پدردی اِنت –

امریکہ ءِ سروک جوبائیڈن ءَ گوشتگ کہ آئی ءَ وائٹ ھاؤس ءَ نریندر مودی ءِ گون ءَبگپ ءُ تران کتگ ءُ انسانی ھک جمھوری رنگ ءِ سر ءَ لیکہ درشان کتگ اَنت ت

ھندوستان ءِ سروزیر ءِ اے درشان ءَ پد پشمبے ءِ روچ ءَ بازیں کچے ءَ زھرشانی کنوک وائٹ ھاؤس ءِ دیم ءَ مچ بیتگ اَنت آیاں نریندر مودی ءِ اے گپ رد کتگ اَنت –

زھرشانی ءَ ھواریں امریکہ ءَ مسلم کونسل ءِ ایڈووکیسی ڈائریکٹر اجیت ساھی ءَ گوشگگ مودی ءَ اے گپ جیڑگ کپ ایر پریس فریفنگ ءَ پرچا اولی جست اے کنگ بیتگ؟ ایشی ءَ درست زان اَنت ھندوستان ءَ انسانی ھک لگتنال بوگ ءَ اَنت-

ھندوستان ءَ جتا جتائیں درمانی سر ءَ بیوکیں اُرشانی یکجاہ کنوکیں گل ھندوتوا واچ ءِ بنھشت ایر کنوک رقیط ھمید نائیک ءَ گوشتگ مودی درشان سر ءَ سر رد اِنت ءُ ھندوستان مزھبی جیڑھانی دیمپان اِنت –

ھندوستان سال دوھزار ءُ چاردہ ءَ میان اُستمانی فریڈم انڈیکس ءَ یک سد ءُ چلمی نمبر ءَ بیتگ ءُ ھمے سال ءَ یک سد ءُ شست ءُ یک ءَ نمبر ءَ بیتگ –