غدر ٹو ءِ ٹیزر یوٹیوب ءَ شنگ کنگ بیتگ

بالی وڈ ءِ نامی ئیں ازمکار سنی دیول ءِ نامداریں تامر ’ غدر اک پریم کتھا ‘ ءِ سیکوئل ’ غدر ٹو ‘ ءِ ٹیزر شنگ ءُ تالان کنگ بیتگ-

غدر ٹو ءِ ٹیزر دوشمبے ءَ یوٹیوب ءَ ھوار سوشل میڈیا پلیٹ پارماں شنگ ءُ تالان کنگ بیتگ کہ اود ءَ بازیں کچے ءَ مردم دوستے دارگ ءَ اَنت-

یوٹیوب ءَ غدر ءِ ٹیزر داں انگت ءَ یک کروڑے رند ءَ چارگ بیتگ-

سال دو ھزار ءُ یک ءَ شنگ بیتگیں تامر ’ غدر اک پریم کتھا ‘ ھندی تامر جاھاں سوبمند ءُ بلاک بسٹر تامراں ھوار زانگ بیت اِنت-

اے تامر ءِ کسہ سال نوزدہ سد ءُ چل ءُ ھپت ءَ بٹوارے کش ءُ گوراں اود ءَ سنی دیول ءُ سکینہ ءُ امیشا پٹیل ءَ یکے دومے ءَ آروس کن اَنت بلے آیانی وشی تب ءُ گم ءِ مٹ بت اِنت ھمے وڑ سکینہ ءِ پت آئی ءَ پاکستان ءِ نندگ ءَ لاچار کنت ھمے داب ءَ آ وتی لوگ واجہ ءَ جتا کنت –

’ غدر اک پریم کتھا ‘ وتی کسھاں سوت، وتن دوستی ءُ ڈائیلاگز ءِ سبب ءَ گیش ءُ کم وتی ریلیز ءَ بیست ءُ دو سال ءَ پد نامان بیت اِنت –

اے تامر ءُ نوکیں سیکوئل ءِ کسہ ءِ اگاں گپ کنگ بہ بیت گڑا ریلیزر ءَ نوزدہ سد ءُ ھپتاد ءُ یک ءِ پشدر ءُ پاکستان ءِ شھر لاھور پیش دارگ بیت اِنت اود ءَ انڈیا ءِ بگیر داری ءِ درشانی ءَ – اے زھرشانی ءِ وھد ءَ سنی دیول ( تارا سنگھ) بس ءِ چیر ءَ ایر کپ ایت ءُ کیت ءُ زھرشانیانی دیمپانی کنت –

ٹیزر ءَ اے تامر ءِ نامداریں سوت ’ اڈ جا کالے کاواں ‘ کے بول، گھر آجا پردیسی، کہ تیری میری ایک جندڑی ‘ اشکنگ بیت اِنت –

غدر ٹو سنی دیول ءِ گون ءَ مزن کرد پیلو امیشا پٹیل پیلو کنت ھمے وڑ ءَ تامر کاسٹ ءَ اُتکرش شرما، منیش وَدھوا، گوروؤ چوپڑا ءُ لوو سنھا ھوار اِنت-

22 ءُ سال ءَ پیش ’ غدر ایک پریم کتھا ‘ ءِ سوجکاری کنوک انیل شرما ءَ غدر ٹو ءَ ڈائریکٹ کنگ بیت اِنت –

زانگ بہ بیت ’ غدر ٹو ‘ انڈیا سنیما جاھاں یازدہ اگست ریلیز کنگ بیت اِنت –