بلوچستان ءِ دمگ کیچ ءَ دو جتاجتائیں دمگاں تیرگواری ءِ وئیل آسر ءَ پولیس آپیسرے ءَ ھوار دو مردم بیران یکے ٹپی بیتگ-
پولیس رِد ءَ کیچ ءِ دمگ کلاتک مینو ءَ پرپٹ سواریں سلاہ بندیں مردماں تیرگواری کتگ ءُ پولیس ءِ اسپیشل برانچ ءِ انچارج رفیق احمد کُشتگ وھدے کہ آئی ءِ ھمراہ عبید ء نور محمد ءَ تیر لگگ ءَ چہ ٹپی بیتگ-
پولیس گْوشگ رِد ءَ دوئیں کارندہ کلاتک گراؤنڈ ءَ نندوک بیتگ اَنت کہ اود ءَ ناشناسیں مردماں نشانگ کتگ اَنت-
دومی نیمگ ءَ کیچ ءِ دمگ بلیدہ ءِ ھند میناز ءَ ناشناسیں سلاہ بندیں پرپٹ سواریں مردمانی تیرگواری ءَ چہ یک مردمے بیران بیتگ-
تیرگواری ءَ چہ کُشگ بیتگیں مردم ءِ پجّار قیوم ء سعید نام ءَ چہ بیتگ-
اِھوالکارانی رِد ءَ کُشگ بیتگیں مردم گوستگیں صوبائی وزیر ءُ صوبائی اسمبلی ءِ باسک ظھور بلیدئی ءِ زامات اِنت-
بلے تنی وھدے دوئیں وئیلانی سوب زانگ نہ بوتگ اَنت-