بلوچستان ءِ دمگ کیچ ءِ بنجاھی شھر تربت ءَ ناشناسیں پرپٹ سواریں مردماں یاسر بھرام ءِ لوگے سرءَ گوں دستی بمب ءَ نشانگ کُتگ۔
پولیس ءِ ردءَ سیٹلائیٹ ٹاؤن تربت ءَ ناشناسیں پرپٹ سواریں مردماں یاسر بھرام رند ءِ لوگے سرءَ دستی بمب ءِ دور داتگ ءُ تتکگ اَنت۔
پولیس ءِ گُشگ اِنت کہ دستی بمب لوگے ڈنی دیوال ءَ لگ اتگ ءُ تراکیتگ، پولیس ءِ ردءَ دستی بمب اُرش ءِ تہءَ ھچ پئیمیں جانی تاوانانی دیمپانی کنگ نہ کپتگ۔
البت اُرش ءِ ذمہ واری داں انگت ھچ گل ءَ نہ من اِتگ۔